Puisi Maaf Untuk Semua Ciptaan Allah SWT

PEUMEU'AH KAMOE.. 

Peuhaba mandum syedara nyang na di kota nyang di gampong ? Nyang na di urong nyang na meuseulingka ? 
Saleum loentuan keu mandum kaom
Saleum keu bumoe Allah SWT 
Saleum keu langet manyang
Saleum keu leupi malam
Saleum keu rihon kaye
Saleum keu cahya buleun
Saleum keu bintang malam
Saleum keu matauroe
Keu mandum nyang meunyawong
Lat batat kaye bate.. 
Saleum keu mandum hukom
Saleum keu mandum buku
Saleum keu mandum perjuangan 
Saleum keu mandum mujahid
Saleum keu mandum cicem
Keu mandum ie ujeun.. 
Saleum dari kamoe manusia nyoe nyang seurakah nyoe, nyang hana thee droe nyoe, nyang jahat nyoe, nyang get nyoe, nyang sulet nyoe, nyang jujor nyoe, nyang paleh nyoe, nyang bijak nyoe.. 
Peumeu'ah kamoe wahee mandum peuneujet Allah.. 
Peumeu'ah kamoe nyang hina nyoe.. 
Peumeu'ah kamoe.. 
Peumeu'ah kamoe.. 

- Syafri Cello  Senin,  4 November 2019 
Banda Aceh